अमूल दूध दर वाढले, पण फायदा कुणाला ?

 अमूल दूध दरात वाढ, पण केव्हापासून

अमूल ब्रँड अंतर्गत येणार अमूल गोल्ड, अमूल शक्ती आणि अमूल ताजा यांच्या किमतीत वाढ झाल्यानंतर अमूल दुधाच्या किमतीत 2 रुपयांनी वाढ झाली आहे. Amul Milk Rate 

नवीन किमती उद्यापासून म्हणजेच 17 ऑगस्टपासून लागू होतील. याचा अर्थ अमूल गोल्ड 62 रुपये प्रति लिटर, अमूल शक्ती 56 रुपये प्रति लीटर आणि अमूल ताजाचा दर 50 रुपये प्रति लिटर होईल. तर अर्धा लीटर अमूल गोल्ड 31 रुपये आणि अमूल ताजा 25 रुपयांना तर अमूल शक्तीचा दर 28 रुपये असेल.

दुधाचा दर वाढवण्याचं कारण काय?

अमूल कंपनीचा एकूण खर्च आणि ऑपरेशनल कॉस्ट वाढल्यानं कंपनीने दुधाच्या दरात वाढ केल्याचं अमूल कंपनीनं सांगितलं आहे. गुरांसाठी लागणाऱ्या चाऱ्याच्या खर्चात दरवर्षी 20 टक्क्यांनी वाढ झाल्याचं आढळून आलं आहे. कंपनीला या खर्चाचा बोजा ग्राहकांवर टाकावा लागणार आहे. 

गेल्या वर्षी शेतकऱ्यांना देण्यात येणाऱ्या मोबदल्यातही आठ ते नऊ टक्क्यांनी वाढ झाली आहे. परिणामी अमूल कंपनीने दुधाचा दर वाढवण्याचा निर्णय घेतला आहे.

मार्चमध्येही कंपनीनं वाढवले होते दर

अमूलने याआधी मार्च महिन्यामध्ये पॅकेज आणि ताज्या दुधाच्या दरात प्रतिलिटर दोन रुपयांची वाढ केली होती. त्यामागे कंपनीने वाढत्या इंधन दराचं कारण देत वाहतुकीचा खर्च वाढल्यामुळे दरवाढ केल्याचं सांगितलं होतं.

अमूल कंपनीने दुधाच्या विक्री दरात वाढ केली पण याचा फायदा शेतकर्‍यांना नाही, आता शेतकर्‍यांना पण दूध दर वाढून मिळेल का ?