दिवाळी गोड करण्यासाठी शासनाने शिधापत्रिकाधारकांना आनंदाचा शिधा देण्याचे ठरवले. मात्र, रेशनिंगवर मिळणारे साहित्य दुकानातच पडून आहे. यामुळे दिवाळीचा गरिबा घरी फराळाचा आस्वाद शासनाच्या लालफितीत अडकून पडल्याने गरिबा घरी दिवाळीनंतर फराळ होणार का? असा सवाल उपस्थित होवू लागला आहे. दरम्यान सध्या महाराष्ट्राच्या अनेक जिल्ह्यात ही परिस्थिति आहे.
Anandacha Shidha : अहमदनगर ( Ahmednagar district) जिल्ह्यातील अनेक भागात काही प्रमाणात आनंदाचा शिधा (Diwali Kit) पोहोचला असला तरी पॉश मशीनचे सर्व्हर डाऊन (Server Down) असल्याने आनंदाचा शिधा (Anandacha Shidha) वाटपात अडचणी येत होत्या. मात्र आता आनंदाचा शिधा ऑनलाईन नाही तर ऑफलाईन वाटप करण्यास सुरुवात करण्यात आली आहे.
सर्वर अडचणी तसेच उशिरा पुरवठा मुळे शिधावाटप विलंब
परंतु नेवासा तालुक्यातील गावामध्ये शिधावाटप दुकानदार मनमानी कारभार करत असून सर्वर डाउन तसेच सणसुधीचा दिवस असे कारण सांगून शिधावाटप विलांब करत आहे. सध्या सरकारी सुट्टी असल्याने अधिकारीही याकडे दुर्लक्ष करत आहेत, यामुळे गोरगरीब जनता अडचणीत आली असून यावर लवकरात लवकर निर्णय घ्यावा अशी मागणी होत आहे.
यंदा दिवाळी निमित्ताने राज्य सरकारतर्फे शंभर रुपयांत राज्यात रेशन कार्ड धारकांना आनंदाचा शिधा देण्यात येत आहे. सुरुवातीला पॅकेटवर फोटो छापण्यामुळे विलंब झाला. त्यानंतर काही ठिकाणी शिधा पोहचण्यास उशीर झाला. आता सर्व्हर डाऊनमुळे पॉश मशीन बंद असल्याने शिधा वाटप बंद करण्यात आले होते. मात्र दुसरीकडे दिवाळी सरत असल्याने दिवाळीनंतर शिधा घेऊन उपयोग काय? अशी ओरड जनमानसातून करण्यात येत होती.
काय आहे दिवाळीचा शिधावाटप 👇
राज्यभरातील पात्र शिधापत्रिकाधारकांना दिवाळी निमित्ताने चार वस्तू असलेल्या दिवाळी किट म्हणजेच आनंदाचा शिधाचे वाटप करण्यात येत आहे. नगर जिल्ह्यातील काही तालुके आणि शहरांतील काही भागात दिवाळीचे किट पोहोचले असले तरी कार्डधारकांना दिवाळी रेशनचे किट मिळण्यासाठी अडचणी निर्माण झाल्याचे पाहायला मिळाले.
दरम्यान अनेक ठिकाणी सर्व्हर डाऊनमुळे आनंदाचा शिधा मिळण्यास अडचण निर्माण झाल्याचे पाहायला मिळाले. ही बाब लक्षात घेऊन शासनाच्या आदेशानुसार पुरवठा विभागाने जेथे अडचण असेल तेथे ऑफलाइन दिवाळीची किट वाटप करण्याच्या सूचना रास्त भाव दुकानदारांना दिल्या आहेत. परंतु दुकांदारांच्या मनमानी कारभारामुळे ऑफलाईन किट वितरणास विलंब होत असून राज्य सरकारने कारवाई करावी, अशी लोक मागणी करत आहे.
ज्या ठिकाणी आनंदाचा शिधा ऑनलाइन सुविधा सुरळीत सुरू आहे, तेथे ऑनलाईन वितरण करण्यात यावे. मात्र जेथे ऑनलाईनसाठी अडचणी येत असतील किंवा वेळ लागत असेल अशा ठिकाणी ऑफलाइन पद्धतीने वाटप करण्याची परवानगी देण्यात आलेली आहे. ही सुविधा केवळ आनंदाचा शिरा या दिवाळी भेटवस्तूंसाठीच असणार आहे.
अशी आहे ऑफलाईन प्रक्रिया
जे रेशन दुकानदार ऑफलाईन दिवाळीचा आनंदाचा शिधा वाटप करणार आहेत. त्यांना वितरणची माहिती असेल तर रजिस्टरमध्ये नोंदवावी लागेल. नोंद घेताना लाभधारकांचे नाव शिधापत्रिकेचे शेवटचे चार अंक मोबाईल क्रमांक दिलेल्या शिधा वस्तूंचा तपशील, प्राप्त रक्कम आणि लाभ धारकाचे सही घ्यावी लागणार आहे.
शासनाकडून नुसतेच आश्वासन देऊन दिवाळीचे रेशनिंगवर मिळणार आनंदाचा शिधा दिवाळी फराळ बनवून झाला तरी अजून गरिबांना मिळाला नाही. बहुतांश ठिकाणी अशीच काहीशी परिस्थिती आहे. लोकांनी दिवाळी साहित्य खरेदी केले जर शासनाने वेळेत हा शिधा दिला असता तर सर्वसमन्यांची दिवाळी साजरी झाली असती. साखर अजून येणे बाकी आहे, इतर साहित्य आले आहे. मग नक्की कधी साहित्य किट मिळणार याकडे सर्वसमन्यांचे लक्ष लागले आहे.
अगोदरच परतीच्या पावसाने शेतकर्याची शेतातली उभी पिके पाण्यात गेली आहेत. हातातोंडाशी आलेले वर्षभराचे शेतीतून मिळणार सोन्याचे धन मातीमोल झाले आहे. सोयाबीन सारखे नगदी पिकांच्या माध्यमातून शेतकर्याची दिवाळी गोड होणार होती. मात्र, परतीच्या पावसाने हजेरी लावल्याने सर्वच हिरावून घेतले आहे. त्यामुळे शेतकरी कोलमडून पडला आहे. शासनाने सर्वसामान्यांची दिवाळी गोड करण्याकरीता रेशनिगवर शीधा देण्याचे आश्वासन दिले होते. मात्र, दिवाळी फराळाचा शासनाचा शिधा अजून मिळाला नसल्याने शिधापत्रिका धारकांची दिवाळी दिवा कधी पेटणार. आता दिवाळी झाल्यावर का? असा सवाल उपस्थित होत आहे.